FBF: Í morgin - fríggjamorgunin - kl. 10 spæla føroysku U19 flogbóltskvinnurnar sín fyrsta dyst í NEVZA-kappingini, sum hesi næstu trý árini verður hildin í Føroyum. Londini, sum eru við, eru Danmark, Ísland, Noreg, Ongland og Svøríki umframt Føroyar. 

Føroysku kvinnurnar eru komnar í ein rættuliga sterkan innleiðandi bólk. Føroyar eru í innleiðandi bólki við Noreg og Danmark, sum eru styrkismettar avikavist sum nr. 2 og nr. 3 í kappingini. 

Føroyar leggja fyri ímóti Noreg kl. 10.00 og leika síðani ímóti Danmark kl. 15.00.

Í hinum bólkinum eru Svøríki, Ongland og Ísland.

Um Føroyar vinna innleiðandi bólkin, koma tær beinleiðis í eina hálvfinalu, sum verður leikt leygardagin kl. 17.00. Um Føroyar enda sum nr. 2 ella nr. 3 í innleiðandi bólkinum, skulu føroysku kvinnurnar leika eina fjórðingsfinalu kl. 10.00 leygardagin. Hendan gevur síðani atgongd til hálvfinaluna, um tær vinna. 

Finalan í kappingini fyri kvinnurnar verður sunnudagin kl. 15.00. Dystur um 3. plássið verður sunnudagin kl. 13.00, ímeðan dystur um 5. ella 6. plássið verður sunnudagin kl. 10.00