Rói Hjaltalin, Heini Hátún, Anna Kristina Norðberg Niclasen, Jákup Súni Berg, Niels Juel Arge og Niklas Áki Mørk. Sonni Eliassen vantar á myndini.
Rói Hjaltalin, Heini Hátún, Anna Kristina Norðberg Niclasen, Jákup Súni Berg, Niels Juel Arge og Niklas Áki Mørk. Sonni Eliassen vantar á myndini.
Rói Hjaltalin, Heini Hátún, Anna Kristina Norðberg Niclasen, Jákup Súni Berg, Niels Juel Arge og Niklas Áki Mørk. Sonni Eliassen vantar á myndini.
Nevndin í Styrkisambandinum er eftir aðalfund í vikuni mannað soleiðis: Heini Hátún, Niels Juel Arge, Anna Kristina Norðberg Niclasen, Jákup Súni Berg og Sonni Eliassen. Tiltakslimir eru Rói Hjaltalin og Niels Áki Mørk.
Styrkisambandið er enn menningarsamband í ÍSF, men arbeitt verður støðugt fram ímóti at gerast eitt sersamband. Umstøðurnar verða tá enn betur at menna tær fýra styrkiítróttargreinarnar undir FSS: Vektlyfting, styrkilyfting, kúlulyfting og rørslumegi.
Seinastu tíðina hevur serliga vektlyftingin verið frammi, men við Føroyaleikirnar 1. juli í Klaksvík verður í Spinnarínum skipað fyri FM í styrkilyfting. Dagin eftir, 2. juli, kappast vektlyftararnir. Kappingin í kúlulyfting verður sunnudagin 3. juli.
Klaksvík er miðstøð fyri føroyska kúlulyfting, og venjingin fer fram í Full Power. Kúlulyfting er tað sama sum kettlebell, og mongum kanska ókunnugt hevur besti føroyski kúlulyftarin, Sonni Eliassen, verið bæði heims- og europameistari.
Um tú veitst okkurt, sum VP ikki veit - skriva so til vp@vp.fo
