Áhugin fyri at súkkla ella renna ella ganga gjøgnum nýggja Sandoyartunnilin var stórur sambært hesum myndunum. Onkur segði fleiri hundrað og onkur segði yvir 1000 tuttóku.

Myndir. Ólavur Frederiksen

Hetta er skráin í dag:

Kl. 11. Súkkling, renning og ganging av Gomlurætt

Møguleiki er at renna, ganga og súkkla gjøgnum tunnilin. Byrja verður á Gomlurætt og til Traðardal. Bragdið og B71 skipa fyri.

Fyrst byrja tey ið súkkla, síðan tey ið renna og til síðst tey ið ganga. Miðast skal eftir, at øll eru komin yvirum í seinasta lagið 13.45.

Kl. 14 Hátíðarhald innanfyri tunnilsmunnan í Traðardali

GHM spælir, síðan verða røður og kórsangur.

Teitur Samuelsen stjóri í P/F Eystur- og Sandoyartunlar bjóðar vælkomin.

Aksel Johannesen, løgmaður flytur fram røðu

Bergur Poulsen, nevndarformaður í P/F Eystur- og Sandoyartunlar flytur fram røðu

Sunleif Rasmussen greiður frá um ljóðmyndina, sum er at hoyra í tunlinum á FM 100

Edward Fuglø greiður frá um listaverkið

Heri Sverrason, borgarstjóri á Sandi flytur fram røðu

Heðin Mortensen, borgarstjóri í Tórshavnar Kommunu flytur fram røðu

Sunniva í Stovuni, varaborgarstjóri í Skálavíkar Kommunu flytur fram røðu

Gerhard Lognberg klippir snórin

Hornblástur og fólk fara út úr tunlinum.

Nakað eftir kl. 15, koyrir elsti bilførari á Sandoynni, Herman Petersen, gjøgnum tunnilin, sum hin fyrsti, eftir at tunnilin er alment tikin í nýtslu. Løtu seinni kunna bilar eisini koyra inn av Gomlurætt.

Eftir hátíðarhaldið eru dyrnar opnar í ítróttarhøllini í Traðardali, har øll eru vælkomin til munnbitar, te/kaffi, kakur og annað gott.