Fjórði hvør amerikanari stúrir fyri borgarakríggi eftir forsetavalið 5. novembur. Og annar hvør ivast ikki í, at tað í minsta lagi verður ruðuleiki aftaná valið. Tað vísa nýggjar veljarakanningar, sum fleiri miðlar endurgeva.
Tað er ráa valstríðið, har fleiri morðroyndir hava verið ímóti republikanksa forsetavalevninum, Donald Trump, ein harðligur tóni, konspiratiónsteriir og ein vaksandi polarisering sum fær fólk at stúra, vísa kanningarnar.
12% av teimum spurdu siga seg kenna onkran, sum tey halda fer at taka til vápnini, um Donald Trump ikki vinnur valið.
Í 2020 helt Donald Trump uppá, at Joe Biden "stjól" valsigurin frá honum, og tað endaði við, at hansara viðhaldsfólk 6. januar 2021 lupu á kongressbygningin í Washington, og fleiri fólk lótu lív.
Um tú veitst okkurt, sum VP ikki veit - skriva so til vp@vp.fo
