Onnur tíðindi
Finnland og Týskland kanna, hví brek er komið á sjókaðalar til telesamskifti og sum binda londini saman við europeiska meginlandið.
Fyrst varð hildið, at talan var um hendiligt óhapp sum var elvt av onkrum skipi, men tað er ikki ástøði longur. Nú verður hildið, at talan kann vera um okkurt slag av yvirgangi.
Londini hava sent út felags tíðindaskriv, har tey siga seg stúra fyri tí sum er hent.
- Hetta vísir, hvussu óstøðugum tíðum vit líva í, siga tey sambært NRK.
Í kvøld frættist eisini, at ein kaðal ímillum Svøríki og Litava er skaddur. Her er tó talan um ein gamlan kaðal, sum oftani hevur verið skaddur áður.
Um tú veitst okkurt, sum VP ikki veit - skriva so til vp@vp.fo
