Eiðis kommuna/Martin Kristoffur Kristiansen: Í farna juni mánaði var Jóin Ellingsgaard, skipari á rannsóknarskipinum Thor Frigg, við til at skipað eina bjarging í brasilskum sjóøkið. Nú hevur hann fingið stóran heiður frá brasilsku sjóverjuni.
Jóin ferðast nógv í samband við starvið, og tí mátti gerast skjótt av, skuldi samrøða fáast í lag við skiparan. Vit hittust á kommunuskrivstovuni, til eitt prát um upplivingarnar í samband við heiðurin og bjargingina.
Tað er týsmorgun klokkan 09:00 tá ið vit báðir sessast til samrøðuna. Við sær hevur Jóin heiðurin og eitt váttanarskjal, undirritað av kommandørinum av virkseminum hjá sjóverjuni í brasilskum sjóøki. Heiðurin er ein pláta, við teksti á portugisiskum, ið lýsir bjargingina av teimum fimm monnunum av tilsamans átta, umborð á “BP Safadi Seif”. Talan er um størsta heiðurin, ið verður latin av brasilsku sjóverjuni fyri at bjarga lívum.
Um tú veitst okkurt, sum VP ikki veit - skriva so til vp@vp.fo
