Fiskamarknaður Føroya: Eitt ísfiskalínuskip fiskar við Føroyar, smáligt fiskarí. Hann fær mest av hýsu og kemur at landa mánadagin. Sjey frystilínuskip eru við Ísland og eitt er við Føroyar. Tey fáa ein blanding av toski, hýsu, longu og brosmu.
Streymurin er hampuligur, men harðnar sum vikan líður. Veðrið verður ikki gott, so tað verður ikki so nógvur útróður. Fiskaríið er brúkiligt. Tað er ein blandingur av toski og hýsu bátarnir fáa. Tað eru fleiri sum fiska við snellu.
Ein frystitrolari er til fiskarí. Hann fiskar svartkalva. Jákup Sverri ger yvirlitstrolingar nú, so hann kemur inn við nakað av hýsu og toski. Væntandi fer onkur trolari avstað í næstum.
Øll pørini uttan eitt eru til fiskarí. Fiskaríið hevur verið hampuligt. Tað er ikki nógv av hvítfiski pørini fáa, men nakað av hvítingi fáa tey tó. Nøkur landa í vikuni.
Allir trolbátarnir liggja við bryggju.
Tvey garnaskip fiska svartkalva og eitt fiskar havtasku. Øll landa í vikuni.
Um tú veitst okkurt, sum VP ikki veit - skriva so til vp@vp.fo
