1. oktober vóru 25 ár liðin síðani vágbingurin Eyðun Leo byrjaði sum umsitingar- og praktikleiðari á tí sum tá æt Fiskivinnuskúlanum í Vestmanna og sum í dag eitur Miðnám í Vestmanna.
- Trúgvur sum fáur og nærlagdur í øllum arbeiði er ein av meginorsøkunum til, at skúlanum hevur verið lív lagað øll hesi árini, sigur skúlin sjálvur á facebookvanganum um Eyðun.
Fyrrverandi skúlastjórin, Jákup Andreasen sigur soleiðis um Eyðun:
- Eg hevði ta stóru gleði, at arbeiða saman við Eyðun í stívliga 24 ár, tí betri starvsfelaga kann man ikki fáa.
Á myndini stendur Eyðun Leo í miðjuni, Jákup Andreasen vinstru megin og stjórin í dag, Magnus Gaard, høgru megin.
Um tú veitst okkurt, sum VP ikki veit - skriva so til vp@vp.fo
