Hetta er triðju ferð, at eg skrivi um fiskavirkisskipanina.
Men meiningin hjá mær verður ikki tikin við, hóast eg eri nevndarformaður á einum virki, sum hevur brúk fyri hesi skipan.
Í dag á middegi tosaði Kringvarpið við stjóran í Luna, hann visti at siga, henda skipanin má og skal avtakast.
Hesir sjálvir hava heilar firðir í Føroyum og skóla pengar inn av tí, so sjálvandi skuldu teir ikki fingið eitt oyra úr skipanini.
Í gjár slapp Mowi at hava kraftigar meiningar um fiskavirkisskipanina.
Eisini teir hava heilar firðir í Føroyum undir sær og skóla pengar inn.
Sjálvndi skuldu teir ikki fingið úr skipanini.
Ein annan dag var Kringvarpið og tosaði við Bakkafrost, eisini teir høvdu ikki brúk fyri fiskavirkisskopanini.
Sjálvandi skal Bakkafrost ikki fáa úr fiskavirkisskipanini.
Men Kringvarp Føroya, tit koyra ein vemmiligan politikk, men tann meiniga mannin leggja tit lítið í, tí tit sleiska fyri stórkapitalinum.
Hesar fyritøkur liggja oman á teimum flestu firðunum í Føroyum, men misunnna teimum, sum virkuliga hava brúk fyri skipanini.
Gerhard Lognberg
Nevndarformaður
Sandoy Seafood
Tlf.nr 221228
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
