Ársdagin fyri kríggið vit minnast;
óteljandi mannalagnur gjøgnum árið,
ið livdu, um friðartilgongdin var stinnast;
torført at halda aftur blágula tári.
...
Tí, hví steðgar krígshjálpin ikki;
er hon fyri fólksins besta?
Neyvan eftir teirra tykki,
sum loyva bumbunum at bresta.
...
Hernaðarútgerðin floymir til Ukraina;
til krígs- og frostbardar fløtur,
hví gera tey sær ikki tann beina,
at senda friðarsins hita til kaldar føtur?
...
Tí, hvør skal í grundini verjast;
NATO, Russland ella ukrainska (úrvals)fólkið?
Ja, kanska tey, sum vilja berjast,
fyri sínum egna samfelagsbólki.
...
Tárakeldan gongur undan í eystri;
hon minkar sum árið gongur;
krígskeldan heldur áfram her vestri,
og skerdur er friðardúgvunnar vongur.
Henrik Weihe Joensen
24. februar 2023
Um tú veitst okkurt, sum VP ikki veit - skriva so til vp@vp.fo
