FSF: Víkingur og B36 verða oftast at síggja, nú ársins steypafinalur hjá gentum og dreingjum, og kvinnum og monnum standa fyri framman. Tilsamans ellivu feløg eru umboðað í teimum íalt níggju steypafinalunum, sum verða á Tórsvølli í næstum.

Víkingur og B36 eru í fýra finalum, KÍ og Skála eru í tveimum, meðan B71, ÍF, HB, NSÍ og FC Hoyvík, umframt 07 Vestur og MB, ið hava felagslið í kappingini fyri gentur U13, eru í einari finalu.

Ársins fyrsta steypafinala verður mikukvøldið 2. oktober, tá U16 genturnar hjá KÍ og Skála fara at dystast um Eilif Arge steypið.

Síðani verður hildið á hóskvøldið, tá U21 finalan verður spæld, fríggjadagin eru tvær finalur á skránni, og leygardagin 5. oktober er tann stóri finaludagurin, tá íalt fýra steypafinalur verða á Tórsvølli.

Ársins síðsta finala verður leygardagin 2. november klokkan 17:00, tá B36 og HB bresta saman um Løgmanssteypið.

Mikudagin 2. oktober
U16 gentur: KÍ – Skála (kl. 19:00)

Hósdagin 3. oktober
U21: B71 – ÍF (kl. 19:30)

Fríggjadagin 4. oktober
U13 gentur: B36 – 07 Vestur/MB (kl. 17:30)
Minna steypakap. kv.: FC Hoyvík – Skála (kl. 19:30)

Leygardagin 5. oktober
U13 dreingir: B36 – Víkingur (kl. 10:30)
U15 dreingir: Víkingur – B36 (kl. 12:30)
U17 dreingir: KÍ – Víkingur (kl. 15:30)
Kvinnur: Víkingur – NSÍ (kl. 18:30)

Leygardagin 2. november
Løgmanssteypið: B36 – HB (kl. 17:00)