Samlaða árliga úrtøkan verður eini 84 GWt sum er áleið 20% av samlaðu føroysku elnýtsluni í fjør.
Tað skrivar miðilin Offshore-energy um samstarvið ímillum svensku fyritøkuna Minesto og SEV um at menna sjóvarfalsorkna í Føroyum.
Minesto hevur í nøkur ár gjørt royndir í Vestmannasundi, og menningararbeiðið í Heysfirði gongst eisini væl.
Martin Edlund, stjóri í Minesto, sigur, at umstøðurnar eru sera góðar.
- Vit fegnast um at tað gongur so væl í Heystfirði. Umstøðurnar eru sera góðar at gera hesar royndirnar sum ikki hava verið gjørdar áður aðrastaðni. Gongst sum ætlað kann ein heilt munandi partur av allari elorkuni, sum verður brúkt í Tórshavn, fara at koma úr sjóvarfallinum í Heystfirði, sigur hann.
SEV ger neyðugar broytingar í undistøðukervinum, so bindast kann í og streymurin leiðast til Havnar.
Um tú veitst okkurt, sum VP ikki veit - skriva so til vp@vp.fo
