Innsent: Øse Efterskole, sum liggur tætt við Billund á Jútlandi, hevur ein stjóra, sum hevur eina visjón um at geva ungum fólkum møguleikan at røkja teirra kreativu síður í gerandisdegnum.

Michael Schweigler, sum er stjóri og rocktónleikari, er saman við einum av trimum føroyingum, sum ganga á skúlanum komin til Føroyar at fortelja um skúlan og teir møguleikar, sum eru í Danmark, tá umræður útbúgving í list, tónleiki, drama og film, teknifilmsviðgerð og kunningartøkni

Í eini tíð tá samfelagið søkir eftir nýggjum hugskotum og áskoðanum, er tað avgerandi fyri tey ungu at skilja, at tað tey brenna mest fyri eisini kann gerast ein partur av teirra framtíð.

Á Øse Efterskole eru tað áðurnevndu linjur, sum eru í miðdeplinum, sum eisini er ein samanseting av, at tey sleppa at vísa, hvat tey duga kreativt og tekniskt. Skúlin arbeiðir tætt saman við fleiri hægri tónlista skúlum og sjónleikaskúlum í Danmark og sendir hvørt ár næmingar víðari til MGK, TGK og BGK.

Skúlin hevur eisini gott samstarv við Viborg School of Animation, sum er kendir fyri at bjóða eina av landsins bestu útbúgving í film-, spæl- og teknifilmsídnaðinum. Ein fyrrverandi næmingur á hesum skúla undirvísur nú á Øse.

Michael Schweigler og tann føroyski næmingurin fara á túrinum í Føroyum at vitja fleiri framhaldsskúlar og greiða frá um upplivungar á Øse Efterskole og um møguleikar, sum liggja fyri framman hjá hesum ungu. Teir fara eisini at vegleiða og ráðgeva  teimum, sum ynskja at fylgja sínum áhuga og fáa sær eina útbúgving innan list, tónleik, sjónleik ella film, teknifilmsgerð og KT.

Sum stjóri og rocktónleikari gevur Michael Schweigler íblástur, sum vísur, at tað er møguligt at gera tað ein brennur fyri og samstundis vera ein væleydnaður leiðari. Hann hevur uppbygt ein eftirskúla, har tey sleppa at vísa, hvat tey duga kreativt og tekniskt, og har ung fólk fáa møguleika at útvikla teirra evnir og taka tað við víðari í lívinum.