Eftir tvey rakár, sum korona farsóttin elvdi til, hevði Duty Free handilin á flogvøllinum sítt besta ár nakrantíð í fjør.
Tilsamans 17,7 milliónir krónur lógu eftir til eigararnar, tað var eftir at 3,8 mió kr vórðu goldnar í partafelagsskatti.
Árið kann samanberast við 2021, tá 6,2 mió kr lógu eftir ella 2020, tá einans 1,3 mió kr lógu eftir á botnlinjuni.
Eisini sølan setti met í fjør, góðar 91 mió kr í mun til 55 mió kr í 2021.
Tað er stórsti kapitalisturin í Føroyum, landskassin, ið so ella so eigur Duty Free á flogvøllinum ígjøgnum Atlantic Airways og Vága Floghavn. 16 mió kr verða útgoldnar í vinningsbýti.
Vivian Ole-Jacobsen er stjóri.
Um tú veitst okkurt, sum VP ikki veit - skriva so til vp@vp.fo
