Formaðurin í Liberal Alliance, Alex Vanopslagh, sigur nú sína hugsan um hvørt tað skal bera til hjá fólkatingslimunum úr Føroyum og Grønlandi at tosa sítt egna mál av fólkatingsins røðarapalli.
Tað ger hann á sínum facebookvanga (sí niðanfyri), eftir at grønlendska Aki-Matilda Høegh-Dam í vikuni tosaði grønlendskt og noktaði at umseta tað, hon segði, til danskt. Tað skapti øsing, og tað ger tað enn, tí sera nógv fólk hava gjørt viðmerkingar til dagføringina hjá Alex Vanopslagh.
Hann heldur, tað var bæði áloypandi og barnsligt sum hon gjørdi, men tað skal kortini ikki skugga fyri, at hann skilir og virðir ynskið hjá grønlendingum og føroyingum sum vilja tosa á egnum máli í tinginum við tulki.
Um tú veitst okkurt, sum VP ikki veit - skriva so til vp@vp.fo
