Men hvør er Charlie George is a Cat – og hvaðani stavar navnið frá?
Jú sært tú, í 6 ár hava Jákup Sofusson og Kenneth Hovgaard undirhildið og endurtulkað klassikarar fyri áskoðarafjøld undir navninum Charlie George is a Cat.
Men navnframa kettan, sum er uppkallað eftir einari Arsenal legendu, hevur flogið undir radaranum alla sína tíð. Egið tilfar er onki útgivið enn, og ongar útgávur hava verið undir bólkanavninum; til nú.
Jákup og Kenneth geva her síni boð upp á ”Have Yourself a Merry Little Christmas”, sum kanska serliga bleiv kendur, tá Frank Sinatra í sínari tíð gav sína útgávu út.
Charlie George is a Cat ynskir við hesum øllum eini gleðilig jól og gott nýggjár!
Ein serlig tøkk til Paula Magnussen fyri frálíkt undirspæl á bassinum.
Streingir, upptøkur, mix og mastring: Jákup Sofusson
Rødd: Kenneth Hovgaard
Bass: Pauli Magnussen
Um tú veitst okkurt, sum VP ikki veit - skriva so til vp@vp.fo
