Føroya Bridgesamband: Føroyameistarakappingin fyri Blandað Pør varð leikt í Bridgehúsinum í Gundadali leygardagin 2. novembur 2024.

Sum heitið ber boð er kappingin ætlað pørum mann og kvinnu. Sum liður í at fáa fleiri nýggjar bridgespælarar at luttaka, var harumframt ein roynd gjørd við at royndir bridgespælarar kundu luttaka saman við spælarum, ið ikki hava spælt longri enn 4 ár.

10 pør luttóku í kappingini og leikt vóru 9 umfør á 5 spøl og sostatt 45 spøl í alt. 

Fyrstu 3 umførini leikaði lutfallsliga javnt á og vóru einans 10 stig á muni millum trý tey fremstu pørini, har ávikavist Øssur Winthereig & Eva Sarita Berg og Birita Clementsen & Carl Mikkelsen lógu í oddinum. Sum kappingin leið gjørdu eisini onnur pør seg galdandi, eitt nú Dia Jacobsen & Arnleyg Mikkelsen og Henriette Svenstrup & Oddmar Danielsen.

Tá kappingin leið móti endanum myndaðu Henriette Svenstrup & Oddmar Danielsen og Dia Jacobsen & Arnleyg Mikkelsen oddin, meðan Birita Clementsen & Carl Mikkelsen og Øssur Winthereig & Eva Sarita Berg dystaðust um triðja plássið. Endaliga úrslitið gjørdist at Henriette Svenstrup & Oddmar Danielsen vunnu kapingina við 208 stigum meðan Dia Jacobsen & Arnleyg Mikkelsen vunnu sær annaðplássið við 196 stigum. Triðjaplássið vunnu Øssur Winthereig & Eva Sarita Berg sær við 194 stigum

Endaliga úrslitið gjørdist hetta:

1. Henriette Svenstrup - Oddmar Danielsen                        208,0 stig

2. Dia Jacobsen - Arnleyg Mikkelsen                                    196,0 stig

3. Øssur Winthereig - Eva Sarita Berg                                  194,0 stig

4. Birita Clementsen - Carl Mikkelsen                                   191,0 stig

5. Bjørg Róin - Salomon Johansen                                       185,0 stig

6. Robert Langgaard - Anna Olsen                                       182,0 stig

7. Jón Rasmussen - Valborg Rasmussen                            174,0 stig

8. Liss á Fjallinum - Zakaris Joensen                                    159,0 stig

9. Annika Olsen - Justinus Olsen                                           158,0 stig

10. Pól Joensen - Jórun Johannesen                                     153,0 stig

Føroya Bridgesamband takkar fyri eina góða kapping.

Komandi kappingin hjá Føroya Bridgesambandi er FM-Lið, ið verður leikt í Bridgehúsinum í Gundadali leygardagin 16. novembur 2024.