Borgarstjórin Sune Jacobsen og bygdarráðslimurin Jákup á Stongum niðri á Stakka í Sørvági
Borgarstjórin Sune Jacobsen og bygdarráðslimurin Jákup á Stongum niðri á Stakka í Sørvági
Í samband við 100-ára føðingardagin hjá Sørvágs kommunu í fjør vóru fleiri tiltøk, har roynt varð at seta kommununa í miðdepilin.
Eitt av hesum tiltøkum var fyri skúlabørnum og foreldrum ella avvarðandi, har spurt varð, hvørji ynski tey høvdu, tá talan er um tilboð í kommununi.
Tey fimm fremstu ynskini hjá teimum vóru hesi:
Spælipláss 27
Svimjihøll 19
Størri høll 14
Frítíðartilboð 12
Mat í kantinuni 11
Seinasru tíðina hevur West-Tech í Sørvági arbeitt við økinum, og í dag varð byrjað at seta betongelementini upp.
Vesi og goymslubygningurin eins og pallur til framførslu verða uppsett í dag. Tað er Jóhan Petur á Stongum, arkitektur, ið stendur fyri ætlanini.
Ætlanin við økinum er at gera tað hugnaligt fyri yngra og eldra ættarliðinum eins og børnini fáa spælipláss.
Um tú veitst okkurt, sum VP ikki veit - skriva so til vp@vp.fo
