Bolt.fo: Fyri nøkrum árum síðani var Daniel Berg Hestad venjari hjá Erling Braut Haaland, sum í løtuni verður mettur millum heimsins bestu.
KÍ setti fyrr í vikuni Daniel Berg Hestad sum hjálparvenjara hjá besta liðnum og høvuðsvenjara hjá næstbesta liðnum, umframt at hann fær uppgávur á akademinum.
Talan er um ein venjara, sum áður hevur vant góðar ungdómsleikarar. Tá Molde vann NM hjá U19 í 2017 við Daniel Berg Hestad sum høvuðsvenjara, var ein av leikarunum tað kappingarárið Erling Braut Haaland, sum vit í dag kenna sum toppskjútta í Premier League hjá Manchester City.
Haaland spældi fleiri dystir undir Daniel Berg Hestad í 2017 og 2018, tó at hann hoyrdi til besta liðið hjá Molde, har hann eisini spældi nógvar dystir hesi árini.
Um tú veitst okkurt, sum VP ikki veit - skriva so til vp@vp.fo
