Real Madrid stjørnan og franski áleyparin Karim Benzema vil nú sleppa at skifta landslið.
Hetta hendir, eftir at forsetin í franska fótbóltssambandinum, Noel le Graet, hevur sligið fast, at avgerðin, um at hann ikki skal sleppa spæla aftur á franska landsliðnum, stendur við.
Hetta skrivar tv2.dk.
Benzema hevur ikki spælt á franska landsliðnum síðan 2015, tá ein sexskandala hevði við sær, at hann varð sendur til hús.
Benzema metir, at hann hevur meira at geva í landsliðsfótbólti, men Noel le Graet undirstrikar, at ævintýrið hjá Benzema við Fraklandi er liðugt.
Hetta er franski áleyparin ikki so glaður fyri:
- Noel, tú skalt ikki blanda teg í avgerðirnar hjá landsliðsvenjaranum. Tú skalt vita, at tað bara eri eg, sum geri av, nær eg eri liðugur í landsliðshøpi. Um tú heldur meg vera lidnan, lat meg so sleppa at spæla fyri eitt land, sum eg havi loyvi at spæla fyri, og so fáa vit at síggja, skrivar Benzema á Twitter.
Um tú veitst okkurt, sum VP ikki veit - skriva so til vp@vp.fo
