Útlendis ítróttur
Eftir at hava skorað hat trick móti Apoel í vikuni, fylgdi hann upp við tveimum málum, tá ið Tottenham í gjár vann 4-0 á Huddersfield í Premier League.
Eftir málturkin í august hevur Kane skorað tilsamans 13 mál í september.
Higartil í álmannaárinum 2017 hevur álopsstjørnan í Tottenham skorað 36 mál tilsamans í øllum kappingunum.
Í fimm teimum størstu kappingunum í Europa er tað bara Messi sum hevur skorað fleiri mál enn Kane. Argentinarin hevur skorað 43 mál tilsamans síðani 1. januar 2017, skrivar norska TV2.
Hesir leikarar hava skorað flest mál higartil í 2017 í øllum kappingunum:
- Lionel Messi, Barcelona, 43 mál
- Harry Kane, Tottenham, 36 mál
- Edinson Cavani, PSG, 35 mál
- Robert Lewandowski, Bayern München, 34 mál
- Pierre-Emerick Aubameyang, B. Dortmund, 33 mál
- Cristiano Ronaldo, Real Madrid, 31 mál
Um tú veitst okkurt, sum VP ikki veit - skriva so til vp@vp.fo
