Vinna
Atlantic Petroleum hevði vinning eftir skatt í fjør uppá 0,3 mió kr. Tað skal samanberast við 3,1 mió kr í árið frammanunda.
Virksemið var millum lítið og onki, inntøkurnar koma frá Orlando kelduni, sum Atlantic Petroleum eigur ein lítlan part í.
Í viðmerking sigur Mark T. Højgaard, stjóri, at árið var avbjóðandi og peningastreymurin frá Orlando var minni enn væntað, og nógv er gjørt fyri at avmarka útreiðslurnar mest møguligt.
Eginognin hjá Atlantic Petroleum var minus 98 mió kr við árslok í fjør í mun til minus 96 mió kr við árslok fyrraárið.
Um tú veitst okkurt, sum VP ikki veit - skriva so til vp@vp.fo
