![Arni Frederiksberg Arsins Mal 2022 31 12 2022 1600x900](https://www.vp.fo/fileadmin/_processed_/e/f/csm_Arni_Frederiksberg_Arsins_Mal_2022_31-12-2022-1600x900_07279460bb.jpg)
Árni Frederiksberg úr KÍ skoraði ársins mál 2022 í Betri Deildini hjá monnum - Mynd: Hans Erik Danielsen
![Arni Frederiksberg Arsins Mal 2022 31 12 2022 1600x900](https://www.vp.fo/fileadmin/_processed_/e/f/csm_Arni_Frederiksberg_Arsins_Mal_2022_31-12-2022-1600x900_07279460bb.jpg)
Árni Frederiksberg úr KÍ skoraði ársins mál 2022 í Betri Deildini hjá monnum - Mynd: Hans Erik Danielsen
FSF: Árni Frederiksberg úr KÍ skoraði ársins mál í Betri Deildini hjá monnum. Harvið hevur runavíkingurin í Klaksvík skorað besta mál í fremstu deildini tvey ár á rað.
Málið bleiv skorað í Sarpugerði tann 11. september, tá klaksvíkingar vunnu 2-1 móti Víkingi. Tá eitt lítið korter var eftir at spæla, fekk KÍ fríspark eini 4-5 metrar uttanfyri brotsteigin, og við einum framúr skotið, sendi Árni Frederiksberg bóltin í málið.
Eitt sera týdningarmikið mál, sum meir ella minni sendi FM-heitið norð um Klakkin, og sum seinni skuldi vísa seg at verða tað besta í árinum, ið er um at fara.
Tað er Televarpið, ið hevur staðið fyri atkvøðugreiðsluni, og tá talt var saman, hevði Árni Frederiksberg fingið ein triðing av teimum næstan 700 atkvøðunum.
Tilsamans 439 mál vórðu skoraði í Betri Deildini hjá monnum farna kappingarár.
Um tú veitst okkurt, sum VP ikki veit - skriva so til vp@vp.fo