Tórbjørn Jacobsen á Facebook: “Ivaleyst er tað ikki nógv, ið eg fái lært teg, men tað hevði ikki gjørt nakað, um tú hevði bara eina lítla smogu at krúpa út ígjøgnum eftir eina røðu sum hesa.” Orðini eigur Finnbogi Ísakson, sáli.
“Eg bakki ikki ein tumma(!)”. Tá aðalorðaskifti var um Hvítu bók á sinni, flutti eg fram eina av mínum fyrstu røðum á Føroya løgtingi. Hetta snúði seg um skipanina av føroyska statinum. Sum nýsloktur politiskur kálvur kom eg at siga hesi orðini: “Eg bakki ikki ein tumma(!)”. Frá statinum sjálvandi, tann støðan er ikki broytt, men tað sum eg ikki hugsaði um, var, at eg var ikki einsamallur í hesum universinum. Mínar politisku royndir vóru ongar, púrt ongar, meðan táverandi løgtingsformaðurin, sum eg hevði kent frá barnsbeini umvegis Útvarp Føroya, hevði royndir síðan hann varð valdur fyri Tjóðveldisflokkin í Norðoyggjum á løgtingsvalinum í 1966.
Les meira niðanfyri
Um tú veitst okkurt, sum VP ikki veit - skriva so til vp@vp.fo
