![Skaermbillede 2022 07 21 kl. 13.36.37](https://www.vp.fo/fileadmin/_processed_/6/d/csm_Skaermbillede_2022-07-21_kl._13.36.37_be802a0b0b.png)
![Skaermbillede 2022 07 21 kl. 13.36.18](https://www.vp.fo/fileadmin/_processed_/6/5/csm_Skaermbillede_2022-07-21_kl._13.36.18_50c291533e.png)
![Skaermbillede 2022 07 21 kl. 13.36.50](https://www.vp.fo/fileadmin/_processed_/a/7/csm_Skaermbillede_2022-07-21_kl._13.36.50_c1b6cd659b.png)
![Skaermbillede 2022 07 21 kl. 13.37.16](https://www.vp.fo/fileadmin/_processed_/1/a/csm_Skaermbillede_2022-07-21_kl._13.37.16_b0d75725ad.png)
![Skaermbillede 2022 07 21 kl. 13.36.37](https://www.vp.fo/fileadmin/_processed_/6/d/csm_Skaermbillede_2022-07-21_kl._13.36.37_be802a0b0b.png)
![Skaermbillede 2022 07 21 kl. 13.36.18](https://www.vp.fo/fileadmin/_processed_/6/5/csm_Skaermbillede_2022-07-21_kl._13.36.18_50c291533e.png)
![Skaermbillede 2022 07 21 kl. 13.36.50](https://www.vp.fo/fileadmin/_processed_/a/7/csm_Skaermbillede_2022-07-21_kl._13.36.50_c1b6cd659b.png)
![Skaermbillede 2022 07 21 kl. 13.37.16](https://www.vp.fo/fileadmin/_processed_/1/a/csm_Skaermbillede_2022-07-21_kl._13.37.16_b0d75725ad.png)
Amerikanski rockbólkurin Steelheart fer at spæla á Summar Festivalinum í august. Bólkurin spælir klassiskan gittarrock og hevur hittað við sangum sum »I’ll Never Let You Go«, »She’s Gone« og »We All Die Young«.
Bólkurin hevur sín uppruna í Connecticut í USA, men tá ið tónleikararnir fluttu til Los Angeles, fingu teir plátusáttmála og góvu fyrstu plátuna út í 1990. Hon seldi til gull í USA, og tað er av hesari útgávu, at flestu av kendu sangunum hjá bólkinum eru. Bólkurin hevur havt sangir á Billboard hitlistum og hevur eisini hittað uttanfyri USA. Nógvir rockáhugaðir føroyingar munnu hava sæð videoløg hjá teimum á MTV.
Miljenko Matijevic, sum er tiltikin góður rocksangari, er oddamaður í Steelheart. Tá ið hann var seks ára gamal, flutti Miljenko saman við familjuni úr Kroatia til USA at búgva. Miljenko droymdi um at blíva rocksangari, og í 1980 fór hann upp í fyrsta bólkin. Miljenko Matijevic er kendur sum framúr sangari og kann veruliga fara á flog við røddini. Hann legði rødd til leiklutin hjá Mark Wahlberg í kenda filminum Rock Star, ið kom út í 2001, og onkur sangur úr filminum er við á setlistanum hjá Steelheart.
Steelheart bjóðar fangandi rocksangir, flottar balladur og nógv framfýsin gittarriff. Stutt sagt verður tað ein rockkonsert av góða, gamla slagnum, tá ið Steelheart fer at spæla á Vágsbø.
Summar Festivalurin verður hildin dagarnar 4. til 6. august.
Um tú veitst okkurt, sum VP ikki veit - skriva so til vp@vp.fo