![Vindmylla](https://www.vp.fo/fileadmin/_processed_/9/1/csm_Vindmylla_3fcc8c2472.jpg)
![Vindmylla1](https://www.vp.fo/fileadmin/_processed_/8/5/csm_Vindmylla1_ba14ddf34d.jpg)
![Vindmylla3](https://www.vp.fo/fileadmin/_processed_/a/3/csm_Vindmylla3_da140328a3.jpg)
![Vindmylla](https://www.vp.fo/fileadmin/_processed_/9/1/csm_Vindmylla_3fcc8c2472.jpg)
![Vindmylla1](https://www.vp.fo/fileadmin/_processed_/8/5/csm_Vindmylla1_ba14ddf34d.jpg)
![Vindmylla3](https://www.vp.fo/fileadmin/_processed_/a/3/csm_Vindmylla3_da140328a3.jpg)
Tann seinasta av teimum seks Vestas vindmyllunum hjá Vindrøkt er nú reist.
VP hevur spurt Jóhan í Niðristovu, stjóra í Vindrøkt, um hvat føroyski el-brúkarin kann vænta sær frá verkætlanini hjá Røkt og Effo.
Jóhan í Niðristovu sigur við VP, at útbyggingin av vindorkumáttinum er eitt neyðugt stig á grønu kósini.
- Harumframt vil henda verkætlan geva eitt positivt íkast til búskapin frá byrjan, tí vindmyllurnar hava ein sera lágan el framleiðsluprís í mun til elorku framleidda úr olju.
- Eisini um bara ein partur av elorkuni kemur til høldar í einum skiftistíðarskeiði, meðan vit bíðað eftir eini pumpuskipan.
Jóhan í Niðristovu heldur, at talan er um eina sólskinssøgu.
- Tí við hesi verkætlan útbyggja vit enn einaferð grønu orkukeldurnar. Og vit hjálpa harvið til at minka um útlátið av vakstrarhúsgassi samstundis um vit gagnnýta natúrliga tilfeingið uttan at dálka.
- Vindrøkt vil við hesi verkætlan stuðla undir, at Føroyar gerast sjálvbjargnar við orku og samstundis til ein lægri prís fyri brúkaran, sigur Jóhan í Niðristovu.
Um tú veitst okkurt, sum VP ikki veit - skriva so til vp@vp.fo