Vinna
Í fjørð varð latið upp fyri at føroyskar fyritøkur, stovnar, feløg og einstaklingar kundu fáa sær eitt økisnavn – stavað við føroyskum stavum.
Og tað eru tey á fo-umsitingini, ella Økisnavn.fo, væl nøgd við.
- Vit merktu beinanvegin ein vaksandi áhuga. Nógv tryggjaðu sær sítt .fo økisnavn, sum kann stavast við antin einum ella fleiri av føroysku stavunum á, ó, í, ý, ð, ø, æ og ú. Til dømis hevur Føroyakort tryggjað sær økisnavnið føroyakort.fo, og Málráðið hevur skrásett sær økisnavnið málráðið.fo, sigur Guðrun Poulsen, umsitingarstjóri í Økisnavn.fo.
Tilsamans eru 7.255 økisnøvn sum enda við .fo skrásett í Føroyum.
Um tú veitst okkurt, sum VP ikki veit - skriva so til vp@vp.fo
