Enska landsliðið man metast sum ein outsidari til at vinna EM endaspælið næsta ár.

Liðið er komið ígjøgnum nærum lýtaleyst ígjøgnum undankappingina og vann í kvøld tann síðsta dystin í bólkaspælinum 4-0 ímóti Kosovo á útivølli.

Hóskvøldið vann Ongland heili 7-0 ímóti Montenegro á Wembley.

Ongland fekk í alt 21 av 24 møguligum stigum í bólki A.

Tann einasti dysturin, Ongland misti stig í í bólki A, var á útivølli ímóti Kekkia í oktober. Tá tapti Ongland 2-1.

Spurnartekin hava eisini verið sett við ensku verjuna, sum í september lótu trý mál fara inn ímóti Kosovo í Southampton.

Ongland hevur tó eitt tað vandamesta álopið í Evropa og vann tann dystin 5-3.

Bólkurin hjá Onglandi var nú ikki tann truplasti, men hóast hetta eigur Ongland rós fyri at hava skotið heili 37 mál í átta dystum. Harundir vóru fleiri stórsigrar á vegnum (sí yvirlit niðanfyri).

Kosovo-Ongland 0-4 (0-1)
0-1: Harry Winks, 32
0-2: Harry Kane, 79
0-3: Marcus Rashford, 83
0-4: Mason Mount, 90+1

Dystir hjá Onglandi í bólki A:
Ongland-Kekkia 5-0
Montenegro-Ongland 1-5
Ongland-Bulgaria 4-0
Ongland-Kosovo 5-3
Kekkia-Ongland 2-1
Bulgaria-Ongland 0-6
Ongland-Montenegro 7-0
Kosovo-Ongland 0-4