![John michal petersen](https://www.vp.fo/fileadmin/user_upload/john_michal_petersen.jpg)
![John michal petersen](https://www.vp.fo/fileadmin/user_upload/john_michal_petersen.jpg)
29 ára gamli John Michal Petersen stóð royndina sum ríkisgóðkendur grannskoðari - statsautoriseraður revisor - mánadagin tann 8. november. John Michal er ivaleyst millum teir yngstu av sínum slagi, skrivar løggilda grannskoðaravirkið JANUAR í tíðindaskrivi.
John Michal kom í læru hjá JANUAR í 2008, og hevur tikið útbúgvingarnar HD-R og cand.merc.aud. samstundis sum hann hevur arbeitt fulla tíð. John Michal hevur verið við til at grannskoða bæði smáar og stórar kundar hjá JANUAR.
Seinastu fimm árini hevur John Michal sitið í góðskubólkinum hjá JANUAR, sum tekur sær av at dagføra og menna góðskustýringarskipanina.
John Michal verður nú partaeigari í JANUAR, har fimm aðrir ríkisgóðkendir grannskoðarar saman við øðrum eru partaeigarar.
Um tú veitst okkurt, sum VP ikki veit - skriva so til vp@vp.fo