![Lars fodgaard moller 01](https://www.vp.fo/fileadmin/user_upload/lars_fodgaard_moller_01.jpg)
![Lars fodgaard moller 01](https://www.vp.fo/fileadmin/user_upload/lars_fodgaard_moller_01.jpg)
VP spurdi landslæknan Lars Fodgaard Møller, út frá grein á DR, hvussu støðan er í Føroyum í løtuni, og hevur landslæknin verið so beinasamur at svara.
Lars Fodgaard Møller, landslækni, sigur, at síðani septembur hava fleiri fingið staðfest kaldan lungnabruna (ígerðarsjúka í andaleiðini, Mycoplasma pneumoniae).
- Landssjúkrahúsið hevur í dag kunnað meg um, at frá ikki at hava havt nakran tilburð síðani 2019, eru staðfestir 21 sjúklingar við køldum lungnabruna í ár, hvar fyrsti tilburðurin var staðfestur í viku 36.
- Í tíðarskeiðinum frá viku 36 til 48 eru gjøllkannaðir 185 sjúklingar, har 21 vóru positivir. Tað svarar til eina "positiv rate" á 11%. Vøksturin er tó ikki so stórur, sum í Danmark, men tað kann skjótt broytast, sigur landslæknin.
- Mykoplasma-farsóttir plaga ikki at ovbyrja heilsuverkið.
- MP-infeksjónir eru eisini staðfestar í øðrum londum, bæði í og uttan fyri Europa. Og vit fylgja neyvt við gongdini, sigur landslæknin í svari til VP.
Um tú veitst okkurt, sum VP ikki veit - skriva so til vp@vp.fo