Samgongan hevur ein trupulleika nú fleiri stórmál skulu atkvøðast ígjøgnum, men samgongan er helst ikki vís í, at hon hevur ein meiriluta.
Skal friður fáast í samgonguni, so hevur Aksel V Johannesen ikki nógv annað í at velja enn at geva Heðin Mortensen ein landsstýrissess.
Spurningurin er tí, um Aksel V Johannesen ikki verður noyddur til tað.
Men hvat siga Kristin Michelsen og Sonja Jógvansdóttir so?
Hvønn av landsstýrissessunum talan er um, kunnu vit bert gita um.
Hvussu løgmaður og formaður Javnaðarfloksins ger, vita vit ikki, men kunnu bert staðfesta, at hann hevur ein mikið stóran trupulleika.
Hetta er ein oddagrein. VP hevur frælslynta sjónargrein, sum stundum kemur til sjóndar í oddagreinunum.
Um tú veitst okkurt, sum VP ikki veit - skriva so til vp@vp.fo
