Shu-bi-dua gleðir seg til stóra jubileumskonsert í Føroyum.
Leygarkvøldið 25. november spælir Shu-bi-dua 2.0 stóra 50 ára jubleumskonsert í Høllini á Hálsi í Havn. Teir hava spælt fleiri konsertir í Danmark og vildu sleppa til Føroya at spæla øll tey stóru hittini eina ferð aftrat.
Tónleikararnir í Shu-bi-dua hava áður spælt í Føroyum, og teir halda, at tað er nakað heilt serligt.
– Ein av teimum konsertunum, sum vit oftast tosa um, var, tá ið vit vóru í Føroyum og spældu. Tað var ótrúliga gott lív í. So vit gleða okkum at koma aftur til Føroya at spæla, sigur Jørgen Thorup, sum í 40 ár hevur verið partur av Shu-di-dua. Nú er hann sangari í bólkinum.
Saman við Shu-bi-dua 2.0 spæla eisini Dynamit, Herborg Torkilsdóttir og Eyðun Nolsøe. Á midnátt í kvøld hækkar prísurin á atgongumerkjum, sum kunnu keypast á heimasíðuni atgongumerki.fo
Omanfyri sært tú video-samrøðu við Jørgen Thorup og Michael Hardinger um at koma aftur til Føroya at spæla.
Um tú veitst okkurt, sum VP ikki veit - skriva so til vp@vp.fo
