![](https://www.vp.fo/fileadmin/_processed_/3/c/csm_slaktid-2-resized_1ed2b217ab.jpg)
![](https://www.vp.fo/fileadmin/_processed_/b/9/csm_slaktid-5-resized_d8a1db3257.jpg)
![](https://www.vp.fo/fileadmin/_processed_/a/8/csm_slaktid-18-resized_98748e1cb8.jpg)
![](https://www.vp.fo/fileadmin/_processed_/5/6/csm_slaktid-22-resized_30f2772487.jpg)
![](https://www.vp.fo/fileadmin/_processed_/0/9/csm_slaktid-32-resized_792e6930dc.jpg)
![](https://www.vp.fo/fileadmin/_processed_/1/0/csm_slaktid-43-resized_55dc153f89.jpg)
![](https://www.vp.fo/fileadmin/_processed_/c/e/csm_slaktid-49-resized_6575386f06.jpg)
![](https://www.vp.fo/fileadmin/_processed_/d/7/csm_slaktid-76-resized_29d544e96d.jpg)
![](https://www.vp.fo/fileadmin/_processed_/3/c/csm_slaktid-2-resized_1ed2b217ab.jpg)
![](https://www.vp.fo/fileadmin/_processed_/b/9/csm_slaktid-5-resized_d8a1db3257.jpg)
![](https://www.vp.fo/fileadmin/_processed_/a/8/csm_slaktid-18-resized_98748e1cb8.jpg)
![](https://www.vp.fo/fileadmin/_processed_/5/6/csm_slaktid-22-resized_30f2772487.jpg)
![](https://www.vp.fo/fileadmin/_processed_/0/9/csm_slaktid-32-resized_792e6930dc.jpg)
![](https://www.vp.fo/fileadmin/_processed_/1/0/csm_slaktid-43-resized_55dc153f89.jpg)
![](https://www.vp.fo/fileadmin/_processed_/c/e/csm_slaktid-49-resized_6575386f06.jpg)
![](https://www.vp.fo/fileadmin/_processed_/d/7/csm_slaktid-76-resized_29d544e96d.jpg)
Eins og seinastu tvey árini verður Slaktið hildið í Tórsgøtu komandi leygardagin, 15. september. Livandi kríatúr, so sum seyðir, ross og kálvar, vera á staðnum, og ein kúgv og seyðir verða flettir - ein upplagdur møguleiki at vísa eftirkomarum hvussu matur verður fingin til vega.
Føroyskir kokkar fara at grilla lambskjøt, føroyskar fyritøkur fara at bjóða smakkiroyndir og selja ymiskar mat- og landbúnaðarvørur, og møguleiki verður eisini at fáa hvest sínar knívar á staðnum. Matsmiðjan hjá Ruben fer at selja vælumtókta ræstkjøtaburgaran, Faroesheep selur føroysk seyðaskinn, ponyríðing verður í Vágsbotni og ein fyrilestur við Helga í Brekkunum um bókina ‘Seyður í søgu og veðri’ verður hildin, umframt ymiskt annað.
Endamálið við tiltakinum er at seta sjóneykuna á dýrabara tilfeingið, sum vit føroyingar fáa frá jørðini – bæði frá djórum, sum til dømis seyði og neytum, til grønmeti, sum til dømis rabarbum og rótum. Ætlanin er at vísa á, hvussu nógv vit í veruleikanum kunnu fáa burturúr tilfeinginum, og hvussu vit kunnu gagnnýta tilfeingið á besta hátt.
“Ynskt verður, at so nógv fólk sum møguligt koma til tiltakið og fáa eyguni upp fyri møguleikunum í tí fantastiska tilfeingi, ið okkara jørð hevur at bjóða. Tí er ókeypis atgongd, og tað allarmesta á tiltakinum er ókeypis,” sigur Kári Sørensen, ein av stigtakarunum.
Tiltakið byrjar kl. 10 leygardagin, 15. september, og steðgar umleið kl. 16.
Meira kunning og myndir frá tiltakinum í fjør eru á Facebook síðuni hjá tiltakinum.
Um tú veitst okkurt, sum VP ikki veit - skriva so til vp@vp.fo