Í juni mánaða fór nýggj granskingarverkætlan í gongd í Føroyum. Í verkætlanini verður granska í leiðslu og dygd á føroyskum dagstovnum.
Hetta er eitt samstarv ímillum granskarar, stovnar og kommunur um at menna dygdina, og skapa bestu umstøður til børnini at trívast, mennast og læra.
Granskingarverkætlanin sum er ein Ph.d. verkætlan er frá 2023-2026, tó fara úrslit at síggjast av verkætlanini longu fyrst í komandi ári, tá tey fyrstu granskingar úrslitini verða løgd fram, bæði í Føroyum og uttanlanda.
Tað er Birita Arge, Ph.d. lesandi á Aalborg universitet, sum er verkætlanarleiðari og Charlotte Ringsmose professari á Aalborg universitet, sum er vegleiðari.
Verkætlanin er stuðlað av: Føroya Pedagogfelag, Tryggingarfelagnum Lív og kommunum í Føroyum.
Um tú veitst okkurt, sum VP ikki veit - skriva so til vp@vp.fo
