![Tidindafundur 13 03 2023 2000 02 1600x900 01](https://www.vp.fo/fileadmin/_processed_/e/0/csm_Tidindafundur_13-03-2023_2000-02-1600x900_01_98e7fef539.jpg)
Mánadagin 2. oktober verður greitt, hvørjir verða boðsendir til A-landsdystirnar hjá monnum móti Póllandi og Kekkia - Mynd: Hans Erik Danielsen
![Tidindafundur 13 03 2023 2000 02 1600x900 01](https://www.vp.fo/fileadmin/_processed_/e/0/csm_Tidindafundur_13-03-2023_2000-02-1600x900_01_98e7fef539.jpg)
Mánadagin 2. oktober verður greitt, hvørjir verða boðsendir til A-landsdystirnar hjá monnum móti Póllandi og Kekkia - Mynd: Hans Erik Danielsen
FSF: Hálvan oktober er EM-fótbóltur aftur á skránni. Manslandsliðið skal møta Póllandi og Kekkia, meðan U21-landsliðið skal dystast við Andorra.
Í hesum sambandi verður skipað fyri tíðindafundi í FSF-húsinum mánadagin 2. oktober klokkan 10:00. Á tíðindafundinum fara venjararnir báðir, Håkan Ericson og Eyðun Klakstein at kunngera hóparnar til komandi landsliðsuppgávur.
Hósdagin 12. oktober tekur A-landsliðið við monnum ímóti Póllandi á Tórsvølli, meðan seinni dysturin í hesum umfarinum verður sunnudagin 15. oktober, tá Kekkia og Føroyar møtast á Doosan Arena í Plzen. Og týsdagin 17. oktober eru tað Eyðun Klakstein og hansara dreingir, ið skulu møta Andorra á útivølli.
Atgongumerki til EM-undankappingardystin millum Føroyar og Pólland, sum verður á Tórsvølli hósdagin 12. oktober klokkan 19:45, fáast til keyps í Nethandilinum á heimasíðuni hjá FSF.
Higartil hevur sølan av atgongumerkjum gingið hampuliga væl, og í løtuni eru umleið 2.400 atgongumerkjum seld.
Um tú veitst okkurt, sum VP ikki veit - skriva so til vp@vp.fo