Framsýningin eitur ''Creature Feature - A Dark Art Exhibition'', og verður hildin á Shape Gallery, í Philadelphia, New York City.
Og ein av teimum sum verður við á framsýningini er føroyska Herdis Sandberg Rasmussen.
- Ein av fyriskiparunum kontaktaði meg á Facebook, og spurdi, um eg vildi vera við. Tað ljóðaði spennandi, og eg segði ja, sigur Herdis Sandberg Rasmussen, tá ið VP spyr.
- Eg havi síðani sent 5 verk inn, sum skulu vera við í framsýningini, alt tekningar, sigur hon.
Herdis Sandberg Rasmussen sigur, at hon hevur teknað so leingi sum hon minnist, og er sjálvlærd fyri tað mesta. Hon var tó á kunstháskúla í Holbæk, Danmark, í 2014.
Listaframsýningin letur upp 6. oktober, og endar tann 27. oktober.
Hetta eru nøkur av verkunum, sum hon hevur sent til framsýningina.
Um tú veitst okkurt, sum VP ikki veit - skriva so til vp@vp.fo
