Lukas Graham vinnur alt meira fram kring Europa og í USA. Seinastu vikuna eru sangir hjá Lukas Graham komnir inn á hitlistar í Svøríki, Finlandi og Noregi, og tíðindini um bólkin spjaðast eisini meira til aðrar partar av Europa. Bólkurin hevur fingið sáttmála við Warner Brothers plátufelagið í USA, og har verður arbeitt við frambrotinum hjá bólkinum.

Í grundini er Lukas Graham við at blíva tað heilt stóra, og tí er ikki vist, at føroyingar í framtíðini fáa somu vitjanir av bólkinum sum í ár. Men nú er so kjansurin at hoyra superbólkin spæla á føroyskum palli.

Konsertirnar um vikuskiftið verða í høllini á Hálsi. Báðar konsertirnar eru standikonsertir, og Signar í Homrum spælir eisini á báðum konsertunum.

Konsertin leygarkvøldið er langt síðani útseld, men atgongumerki fáast framvegis til fríggjakvøldið. Atgongumerki kunnu keypast í Vodafone í SMS og Runavík og á heimasíðuni hjá Reinsarínum. Eisini verða atgongumerki at fáa við dyrnar fríggjakvøldið, um tað ikki verður útselt áðrenn.

Konsertirnar fríggjakvøldið og leygarkvøldið byrja báðar kl. 21.00.