Tórshavnar kommuna: Í sambandi við, at Heðin Mortensen, borgarstjóri, tann 1. január í ár hevur sitið í Tórshavnar býráð í 50 ár, skipar Tórshavnar kommuna fyri almennari móttøku í Høllini á Hálsi fríggjadagin 3. februar 2023 millum kl 15 og 18, har øll eru hjartaliga vælkomin.
Heðin Mortensen varð valdur inn í Tórshavnar býráð 8. desember 1972. Tað merkir, at tá næsta skeiðið byrjar tann 1. januar 2025, hevur hann sitið í Tórshavnar býráð í tilsamans 52 ár.
Harvið kann Heðin Mortensen taka metið sum longst sitandi býráðslimur í øllum ríkisfelagsskapinum.
Fríggjadagin 3. februar millum kl. 15 og 18 er høvið hjá øllum at støkka inn á gólvið í høllini á Hálsi at heilsa uppá borgarstjóran.
Um tú veitst okkurt, sum VP ikki veit - skriva so til vp@vp.fo
