Fiskamarknaðurin: Bæði ísfiskalínuskipini liggja við bryggju. Trý frystilínuskip eru við Føroyar, eitt er á Íslandsrygginum, trý við Ísland og eitt er við  Eysturgrønland. Skipini fáa ein blanding av toski, longu og brosmu. Tvey liggja við bryggju.

Streymurin verður harður alla vikuna. Veðrið verður ivasamt fyrst í vikuni, men heldur frægari seinni í vikuni. So vit væntað ikki nógvan útróður í vikuni, tó møguliga nakað móti endanum av vikuni. Bátarnar fáa ein blanding av hýsu og toski.

Ein ísfiskatrolari fiskar blálongu og kongafisk. Brúkiligt fiskarí. Hann landar helst síðst í vikuni. So er ein ísfiskatrolari farin í bretskan sjógv at fiska svartkalva. Hann landar neyvan í vikuni. Ein frystitrolari er við Eysturgrønland. Hann fiskar svartkalva.

Bara tvey pør eru úti, men væntandi fer okkurt parið út í vikuskiftinum. Tey sum eru úti fiska upsa og annan hvítfisk. Ikki tað stóra fiskaríið. Tvey pør fiska gulllaks.  

Bara ein trolbátur er úti. Hann er á landleiðini og fiskar mest av tungu, reyðsprøku og havtasku. Hinir liggja við bryggju.

Tvey garnaskip fiska svartkalva og eitt fiskar havtasku. Brúkiligt fiskarí eftir svartkalva, men smáligt eftir havtasku.  Øll landa í vikuni.