Martin Eggen, hevur skrivað eina áhugaverda bók um fuglar og um hvussu menniskjaskaptar broytingar hótta fuglin, ja, so nógv, at helvtin av øllum heimsins fuglum - er í minking.

Kaj Eli Sørensen hevur skrivað eina grein, hann nevnir VIT VEIÐA ÚTLENSKAN FUGL. Greinin stóð at lesa á R7 PORTAL, 11.12.2024.

Hendan greinin hjá Kaj Eli er ein atfinning av broytingunum, sum Landsstýrið ætlar at seta í verk fyri at verja svartfuglin.

Tíverri hevur Kaj Eli rætt, tá hann skrivar, at vit í Føroyum hava alt ov lítið av talgrundarlag, tá tað kemur til stovnstøl, veiðutøl og merking av svartfugli.

Tó eru tað dømir um merktan føroyskan fugl, sum er skotin í Føroyum. Lomvigateljingar vísa eisini, at lomvigastovnurin í Føroyum er mikaður heilt nógv.                                                                        

At tað eisini er merktur útlenskur fuglur, sum verður skotin í Føroyum, er ikki nóg gott grundarlag fyri at skriva - at “ætlaðar friðingar av fugli eru bert útlenskur fuglur.“

Er tað eitt gott argument, at vit ikki skulu verja svartfuglin – tí fuglurin er útlenskur? Nei, sjálvandi ikki. Tað stendur illa til við sjógvfuglinum bæði í Noreg, Íslandi, Hetlandi og Føroyum.

Her er eitt brot ú bókini hjá Martin Eggen :

“Likevel er situasjonen for sjøfugle særlig alvorlig i Norge og på den nordlige halvkule. I alt 54 sjøfuglearter lever i norske kyst- og havområder, og hele 32 av dem er oppført på den norske rødlista fra 2021.

I perioden 2005 – 2015 gikk bestanden av sjøfugl på Fastlands-Norge tilbake med 30 prosent. Tar vi en lengere tidshorisont, blir ikke situasjonen stort bedre. Siden 1970 har 80 prosent av sjøfuglen forsvunnet fra norska fuglefjelle.”

Bókin hjá Martin Eggen er útgivin í ár.

Kaj Eli er rættuliga ósakligur, tá ið hann skrivar um Ramsar-oyggjarnar og hvussu fuglurin verður røktaður har.

Tíverri er nógv av tí hann skrivar, um Ramsar-oyggjarnar ósatt, men lat tað fara.

Niðanfyri sæst prógv fyri, at ringmerkt lomviga -  verður skotin í Føroyum.

Kaj Olsen

Sí her