Tórshavnar kommuna hevur nú av nýggjum bjóðað út bygging av nýggjum skúlabygningi til Skúlan á Fløtum.
Síðan fyrra lisitatiónin í summar varð annulerað vegna ov høgan kostnað, hevur verið arbeitt við at fyrireika nýtt útboð.
Hesi feløg/samtøk eru boðin at bjóða:
P/F Articon og Sp/f Búsetur við undirarbeiðstakarum P/F MT Højgaard Føroyar við undirarbeiðstakarum P/F J&K Petersen, Sp/f Húsavarðatænastan og Sp/f TG Verk við undirarbeiðstakarum.
Lisitatiónin verður 20. oktober 2016 kl. 14.00.
Um verkætlanina
Skúlin á Fløtum fer at hava trý spor frá 0. - 7. flokk og fimm spor í 8. og 9. flokki. Tilsamans verða umleið 850 næmingar og 100 starvsfólk á skúlanum.
Skúlin verður umleið 11.600 m2 til víddar. Skúlin verður bygdur í trimum byggistigum árini 2018-20.
Í/F Samtakið Eind er ráðgevi og stendur fyri projektering og eftirliti. Í juni 2016 varð farið undir avgrevstur úti á Fløtum, sum er um at verða liðugur.
Til ber at lesa meira um verkætlanina her:
http://www.torshavn.fo/Default.aspx?pageid=1416
Um tú veitst okkurt, sum VP ikki veit - skriva so til vp@vp.fo
