Kvinnur við barn eiga at halda seg langt vekk frá kaffi og koffein, vísir ein nýggj kanning, skrivar bretska avísin The Guardian.
Granskingin setur samband millum kaffidrekking/koffein og spontanabort, lága føðivekt og deyðføðing.
Kanningin, sum er almannakunngjørd í medisinska tíðarritinum BMJ Evidence-Based-Medicine, hevur hugt gjøgnum yvir 1200 ritgerðir sum eru um ávirkanina av koffeini undir burðartíðini.
Niðurstøðan er greið: Koffein økir um vandan fyri spontanabort, deyðføðing, lágari fostur- og ella burðarvekt, bráðari barnaleukemi, umframt yvirvekt í barnaárunum.
Sambært Jack James professara á Reykjavíkar Universiteti, sum hevur staðið fyri kanningini, eiga kvinnur at hava ampa av øllum kemikalium tær fáa í seg undir burðartíðini.
Um tú veitst okkurt, sum VP ikki veit - skriva so til vp@vp.fo
