Á jólum í 1984 fór Dynamit fyrstu ferð á pall at spæla til alment tiltak. Gjøgnum 80’ini stórhittaðu teir við sangum sum Omman frá Gjógv, Grøv nummar 13 og fleiri.

Hóast bólkurin í níti árunum hevði langan steðg, komu teir aftur í aftur fyri góðum 10 árum síðani, tá ið teir spældu á Summar Festivalinum, og síðani hevur bólkurin verið betri umtóktur enn nakrantíð áður.

– Eg trúði, at vit spældu høvdu okkara framførslu í 1993, tá ið vit spældu í TB húsinum og takkaðu fyri okkum. Men í 2005 vórðu vit spurdir, um vit vildu spæla á Summar Festivalinum, og tað bleiv ein nógv størri suksé, enn vit væntaðu. Tað gav okkum blóð á tonnina, og síðani eru vit spurdir við jøvnum millumbili um at spæla á Summar Festivalinum, sigur Niclas Heri Jákupsson, sum er annar sangarin í Dynamit.

Fyri fyrstu ferð síðani 2005 eru trý ár liðin, síðani Dynamit seinast spældi á Summar Festivalinum, og tí er bólkur sera spentur at fara aftur á stóra pallin á Vágsbøi fríggjakvøldið á midnátt.

– Vit gleða okkum serliga nógv til Summar Festivalin hesaferð, og vit fara at gera alt fyri at geva fólki eina legendariska framførslu fríggjakvøldið, sigur Niclas Heri Jákupsson.