Merkisdagar
Fleiri av ættfólkunum hjá Ólavi á Heygum, kongsbónda í Vestmanna, vóru til staðar, tá standmynd av Ólavi varð avdúkað í dag.
Ólavur á Heygum var framsíggin vinnulívsmauður, hann legði lunnar undir tríggjar fyritøkur, sum í dag mugu sigast at vera av stórum týdningi fyri lívið í Føroyum, nevniliga SEV, Føroya Tele og BankNordik.
Ólavur á Heygum livdi árini frá 1866 til 1923.
Hans Pauli Olsen hevur gjørt standmyndina, og tað var Mia á Heygum sum avdúkaði hana.
Í nevndini sum hevur arbeitt við at fáa standmyndina gjørda sótu Bjarni Heinesen, Bjørn á Heygum og Bárður á Steig Nielsen.
Myndirnar hevur Andrei Vladut Antal tikið.
Um tú veitst okkurt, sum VP ikki veit - skriva so til vp@vp.fo
