Fleiri bretskir miðlar skriva í dag at Manchester United-venjarin Erik ten Hag hevur ætlanir um umfatandi rudding í summar, skrivar VG.
Bretska stóravísin The Guardian sigur seg vita at ten Hag hevur ein lista við 15 leikarum sum hann sleppur sær av við í summar.
Avísin nevnir nøvn sum Fred, Jadon Sancho, Scott McTominay, Harry Maguire, Anthony Martial og Victor Lindelöf, ið eru á listanum.
The Telegraph skrivar eins og The Guardian at talan er um 15 Manchester United-leikarar meðan Daily Mail sigur talið er so høgt sum 17.
Samtíðis skrivar The Athletic at Manchester United hevur ætlanir um at skerja leikarahópin til tess at fáa meira pengar til nýggjar leikarar í summar.
Um tú veitst okkurt, sum VP ikki veit - skriva so til vp@vp.fo
