Í morgin frískar hann vindin av landsynningi og suðri, serliga fyrrapartin, tá verður eisini meira javnt regn, seinnapartin slítur í við sólglottum og hann makar vindin nakað. Hitin sum frálíður upp í 10 stig.
Týsdagin strúkur í vindi ella skrið av suðri, samdrigið og regn serliga tíðliga á degnum, hitin upp í 11 stig.
Mikudagin verður ælaveður allan dagin, strúkur í vindi av suðri og landsynningi, spakuliga minkandi sum dagurin líður, hitin um 11 stig.
Hósdagin gul av ymsum lágættum, ælaveður tað mesta av degnum men seinnapartin kagar sólin fram, hitin 10-11 stig.
Fríggjadagin frískar hann aftur vindin av suðri ella landsynningi, upp í hvassan vind ella skrið, ímóti kvøldi regn, hitin ímillum 8 og 11 stig.
Næsta vikuskifti verður samregn, hann melur av ymsum ættum og hitin 8-10 stig.
Um tú veitst okkurt, sum VP ikki veit - skriva so til vp@vp.fo
