Aksel V. Johannesen, løgmaður, og Mette Frederiksen, forsætisráðharri, hava seinnapartin í dag viðgjørt samstarvið í ríkisfelagsskapinum. Fundurin var í danska forsætismálaráðnum.
Á fundinum umrøddu tey millum annað avmarkingarnar í uttanríkispolitisku lógini, sum landsstýrið vil beina burtur, so at Føroyar í størri mun kunnu røkja síni áhugamál úti í heimi.
- Eg gjørdi vart við, at skiftandi landsstýrið ferð eftir ferð hava víst á tørvin at broyta uttanríkispolitisku lógina, men at tað gongur seint at fáa framt hesar broytingarnar.
- Okkara mál er enn sum áður at vinna Føroyum størri uttanríkispolitiskt rásarúm á økjum, vit sjálvi hava ábyrgdina av.
- Okkara uttanríkispolitisku áhugamál eru ikki altíð tey somu, sum Danmark hevur, tí millum annað ræðið á handils- og fiskivinnupolitikkinum er flutt til ES.
- Tað er einaferð so, at vit í Føroyum best umboða okkara áhugamál úti í heimi, heldur Aksel V. Johannesen, løgmaður.
Um tú veitst okkurt, sum VP ikki veit - skriva so til vp@vp.fo
