![Kavbatur](https://www.vp.fo/fileadmin/_processed_/c/2/csm_Kavbatur_ddfd735f87.jpeg)
![K Avbatur1](https://www.vp.fo/fileadmin/_processed_/0/7/csm_KAvbatur1_e8d43c48fe.jpeg)
![Kavbatur2](https://www.vp.fo/fileadmin/_processed_/9/3/csm_Kavbatur2_24aa570434.jpeg)
![Kavbatur](https://www.vp.fo/fileadmin/_processed_/c/2/csm_Kavbatur_ddfd735f87.jpeg)
![K Avbatur1](https://www.vp.fo/fileadmin/_processed_/0/7/csm_KAvbatur1_e8d43c48fe.jpeg)
![Kavbatur2](https://www.vp.fo/fileadmin/_processed_/9/3/csm_Kavbatur2_24aa570434.jpeg)
Hesin kavbáturin var sæddur í Tangafirði í morgun.
Tjaldri og ein av sleipubátunum hjá Skipasmiðjuni MEST í Havn sóust eisini hjá kavbátinum.
Myndirnar vóru tiknar beint eftir klokkn 08 í morgun.
Uttanríkismálaráðið skrivar á síni heimasíðu, at talan er um eitt kjarnorkurikið far hjá amerikanska flotanum. Lagt verður at bryggju á Oyrareingjum mánadagin og vitjanin varir til hósdagin. Talan er um fyrsta kjarnorkurikna far, sum kemur í føroyska havn.
Farið hevur treytað diplomatiskt loyvi frá Uttanríkis- og vinnumálaráðnum at koma í føroyskt sjóumveldi og í havn í Føroyum. Millum annað skal farið ikki hava sonevnd CBRN-vápn umborð, umframt at serligar treytir skulu lúkast í sambandi við, at talan er um eitt kjarnorkurikið far. Av somu orsøk eru ávís tilbúgvingaratlit tikin í sambandi við vitjanina.
Landsstýrismaðurin í uttanríkis- og vinnumálum hevur ráðført seg við løgtingsins uttanlandsnevnd um avgerðina at lata treytað diplomatiskt loyvi til flotavitjanina í næstu viku.
Í sambandi við vitjanina kemur amerikanski sendiharrin í Danmark, Alan Leventhal, eisini til Føroya.
Myndir: Erlingur Ellendersen
Um tú veitst okkurt, sum VP ikki veit - skriva so til vp@vp.fo