Ímeðan limir í arbeiðarafeløgunum, starvsfólk hjá Posta, tey sum arbeiða í handli og mong onnur eiga heilan frídag jólaaftan, so er tað sama ikki galdandi fyri handverkarar. Hjá teimum er jólaaftan hálvur frídagur.
Vinnuhúsið hevur sent út kunning til sínar limir, nú jólini nærkast, og har síggjast ásetingarnar um frídagar.
Summir frídagar eru ásettir við lóg sum heilir frídagar, eitt nú jóla- og nýggjársdagur, annars er tað ásetingarnar í ymsu sáttmálunum ímillum arbeiðsgevararnar og -takararnar, sum eru galdandi.
Nýggjársaftan er heilur frídagur hjá næstan øllum. Tó eiga tey sum starvast á skrivstovu ella í handli, limirnir í Samverki, bara hálvan frídag.
Um tú veitst okkurt, sum VP ikki veit - skriva so til vp@vp.fo
