*23. februar 1939 - †15.mars 2024
Vit lærdu teg at kenna sum
ein vísan mann á váli
hvørs vitan skaraði framúr
í gerð og menskum máli.
Tú smæddist ei við orð og tal
at siga frá úr søgu,
og altíð vignaðist tín tala væl,
har tú helt tína røðu.
Nú fórst tú um hitt evsta lið
í tínum svára standi,
nú sjúkur tú steyg síðsta stig
mót ævinleikans landi.
Men eftir standa brøgd so mong
hjá øllum tínum kæru,
sum siga frá um ymsan fong
úr lívsins margfeldslæru.
Har tíni næstu vóru við
í lívsins ymiskleika,
har tey tær stóðu holl við lið,
hvar enn tú mundi reika.
----
Vár góði vinur, hvíl í frið,
nú liðugt er at kvøða,
nú stigið er hitt síðsta stig,
nú tagnað er tín røða.
Sov søtt og blítt við fedra lið,
tøkk fyri lív á foldum,
tær unnist ævinleikans frið,
sov sælur undir moldum.
- vit í Fuglafirði
Um tú veitst okkurt, sum VP ikki veit - skriva so til vp@vp.fo
